【轮证赢家】你返嚟啦?!

乾咗三日嘅 $HSI(HSI)$ ，终于都等到今日开返条北水啦！

而㖊日有拣到只 $JP#HSI RP2904K.P(65398)$ ，喺下半场开市无几耐有见到五分钟图Slow STC(14.3)上返去超买位，呢个位嚟出(65398)，即使唔过夜都可以有条件做得到日内一趟Swing Trade；奈何㖊日恒指喺下半场以最多接近50点嘅波幅嚟运行，再靓嘅货但遇上唔郁嘅市，都系得物无所用。

如果只(65398)Hold到依家嘅话，咁今朝开市嘅时候见指数向下跌98点开市，应该都满心高兴；只不过甫开市恒指玩低开高走，一度转灯添。唯及至依家9点48分，恒指再出返盏红灯见跌39点，报24092点，有啲战友同我一样都系耐性欠奉嘅，数咗格仔走人lu。

北水返嚟都睇吓啲A股嘢，皆因喺星期一(10月5日)喺老友强少嘅《CK Chan 不止是投资》度有提及过可以考虑只 $CSOP A50 ETF(02822)$ 嘅牛证，纯綷博放完假返嚟之后A股造好而带旺一下。依家9点57分有见只(02822)抽紧1.3%，如果星期一有听到而有入到嘅，咁你自己食糊啦㖞。

10点后有见五分钟图比返啲出Swing走势嘅条件出嚟，如常的作战室亦都Mark住两条线，睇吓夹唔夹得住指数运行。

坦白讲指数目前仍然都系处于一个窄幅横行嘅状态，玩轮证嘅唔怕升亦都唔怕跌，最怕横行；依家就系咁嘅状态。

通常呢啲横行嘅时间，一系有注极细注嘅货喺度陪佢发吽逗，博忽然出方向食嗰一下；一系无货做住嘢先；一系就再向个股方向揾食。

路过见到只好冷门(喺轮证市场)嘅 $CHINA OILFIELD(02883)$ ，日线图唔差㖞，今日逆市高走升半成破埋个小型「平底三角形」顶线；SLow STC(14.3)两线亦都喺超卖位暴力触底(今日升半成嘛)。

形态有、走势好似有，咁都要睇吓有无产品先得嘅。So Far市场上只系得7只海田Call，Put/牛/熊都系无嘅(明白点解话佢系冷门啦)。7只Call全部都系价外嘅，行使价最贴嘅目8.83元，都有成16.41%价外距离，有两只㗎㖞，咁就再比较杠杆同引伸，就会秤出 $MB-COSL@EC2612A.C(21390)$ 呢只系相对地条款上优胜。

要留意除咗呢只Underlying本身系比较冷门之外，(21390)嘅到期日系今年12月头，即系仲有大约两个月时间啫，不过我谂你都唔会Hold好耐。

「换个股又得唔得呀?!」得! 如作战室一样从来都唔系只系玩牛熊，你钟意玩乜都得，最紧要你识玩就得啦。

作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。

想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。