上个星期五拣咗只 $UB#HSI RC2810T.C(57447)$ ，Day Trade用嚟博指数之后向上高走返上去打24000点个位就完啦都真系唔求啲乜，亦都求唔到啲乜。只不过当Patreon出完文之后，再如常用10分钟去睇文，跟手再睇返个市嘅话，24000点已经扑完，所以(57447)出唔到场。
「咁用返五分钟图嘅Slow STC(14,3)做返Swing都得挂?!」绝对可以！但前题系要见到Slow STC(14,3)两线落到超卖位后出触底上先出得好仓。但睇返㖊日Slow STC(14,3)于五分钟图上，除咗10点半前有见过之外，之后都系无见到Slow STC(14,3)两线落到超卖位，所以只好仓亦都系无符合出场条件。
今日都系继续无北水，恒指低开8点之后有见向下再落，入多次238嚟杀牛，作战室第一注都推只淡仓出去博首四层牛证都会全数被收回，但到依家10点9分，指数暂时咬住239附近，系呀，连第一层嘅牛证都未杀晒，佢又开始坐喺度砌城堡啦；不过，对比起上个星期五嘅恒指，今日都叫做放晴。
依家10点13分，恒指跌幅一度扩大至逾百点，所以依家叫做收窄返跌53点，报23919点，小时图上都画到啲有似出触底嘅讯号，但可借啲讯号最多都只系值50分，怕且佢都似吽住横行啦。
指数无乜嘢可以玩嘅唯有向个股埋手，跌到咁应该都想睇吓有咩好捞㗎啦...外卖仔 $MEITUAN-W(03690)$ 好似有啲机。
日线图系一啲都唔靓，股价每下愈况+每况愈下，只不过系见佢日线图Slow STC(14.3)触底上+喺大约68.8元水平出到平底线，所以先至捉出佢嚟，睇吓有无力去返10线啫，多都唔谂啦。
换小时图上见美团目前股价上到小时图10线位，暂时未见再破上，可能要back test埋Slow STC(14.3)条%K线嘅腰力。
假设继续用10天线(约71.85元)mark住嚟做上望位嘅话，咁等同于依家嘅小时图20线(约71.94元)附近。
$UB#MTUANRC2701B.C(68841)$ ，收回价66元，低于画住嘅68.8元底线，杠杆有约10.3倍够做Day Trade，低街货。
咁嘅市况，目标为本好啦。
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
想睇埋美日台股、金油汇币ETF嘅玩法，请往Patreon搜寻「cbbcwar」；《傻宝不懂的技术分析》系列已于Google Books Store上架，可免费试阅。
资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。
精彩评论