㖊日拣咗只 $HS#HSI RC2810Y.C(59773)$ 出嚟，虽然有密谋过小时图个疑似「塔形底」出现。不过都系用返五分钟图嚟揾出入货位，做吓一趟Swing Trade就算啦。只系估唔到呢趟好仓呢头买完嗰头指数开车上，持货最多都只系半小时啫，平均收3.5格或5.88%；计埋Time Cost嘅话，都真系算系咁。
今朝 $HSI(HSI)$ 高开121点，开报25774点，喺作战室第一句Mark住顺U盘方向之后都已经停一停自己，再比多两个星星Warning同安全帽出嚟，因为今朝开市个位同㖊日喺工时图画住嘅顶线25780点只系争6点，因此mark住呢个位作为上方量度线嘅话，今日作战室第一注系淡仓行先。
依家9点48分，指数向下落到25576点有见出底线，战友们先将今朝注淡仓正数收走/出咗风筝策略，等紧嘅系10点后指数小时图上嘅摆位：喺20线上还是20线下。
终于等到10点钟，唉~ 同掟彩虹一样，永远都系压界，但由于指数依家企返住喺牛证街货层，小时图Slow STC(14.3)两线向下 + 保历加通道口收窄，料Swing Trade仲有条件出现嘅话，咁先拣只 $DS#HSI RP2902J.P(61516)$ ，收回价25950点，同现价有约400点，杠杆约65.67倍，为同一收回价中杠杆最高。
出场条件系指数一定要向下穿得到条小时图中轴线先得；否则等唔到或者佢最后选择企返于线上嘅话，咁用返五分钟图嘅Slow STC(14.3)做Swing Trade算啦。
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
Patreon新出为期四篇嘅《短期课程》已经全数上载啦，文章教你最基本嘅技术分析同点样拉线画图，学识自己睇走势图，帮自己揾支持/阻力/买入/卖出位，详情请往Patreon搜寻「cbbcwar」。
精彩评论