㖊日无拣到货出嚟，因为见 $HSI(HSI)$ 行得最活跃嘅时段都已经过咗，唔代表之后唔可以出仓，只不过系出仓就等同于被困，咁出嚟做乜呢?!尤其是下半场，2点零打后到3点都只系得30点上落，以前就话有条绳揈吓揈吓就可以催眠啫，依家横行一行唔郁都催得到。
望望月历，哦~ 今个星期五(28日)就系期结日，怪不得有种准备埋数嘅感觉啦，睇返自己今个月嘅【月度报告】表现，比往月嘅都真系低，唯一安慰嘅系都仲有正数。
连跌两日之后，恒指今朝比返盏绿灯出嚟，喺作战室里面如常的顺势而行，及至依家9点57分，好仓第一注正数应该都有人收队。
「点解唔再hold落去呀? 指数都仲保持到上行个走势...」只系因为喺小时图上见到上到去同前日个开市裂口底 aka 前日嘅开市价25780点后，指数自己都要谂一谂到底过定唔过好。
小时图上见到一个未去到教科书级别嘅「塔形底」(有两个位系要扣分嘅)，呢个图形唔系常见(比头肩x嘅更少)，虽然佢系一个利好嘅形态，但系扣咗分之下颈线位又咁硬...出好仓借呢个图形嚟再追上嘅话，比较安全嘅都系返番去借五分钟图啲线位嚟做。
依家10点15分，五分钟图上开始见到指数同Slow STC(14.3)出触顶向下，而指数摆位亦同10线相遇。
作战室依家都系等紧指数企唔企于线上，继而再出仓做第二注。比住只 $HS#HSI RC2810Y.C(59773)$ 先，收回价25368点，同现价有约400点距离，杠杆有约50.5倍，为附近收回价中最高，因为呢期啲点数幅度比较细，唯有用高少少杠杆搭够。
安全嘅用返Slow STC(14.3)触底上而出动玩开㗎啦；进取嘅10线企得住而出嘅，作战室做紧啦！
作者阿珊，以技术分析玩轮证，唔贪心，努力赚取我家肥猫罐罐( Φ ω Φ )。
Patreon新出为期四篇嘅《短期课程》已经全数上载啦，文章教你最基本嘅技术分析同点样拉线画图，学识自己睇走势图，帮自己揾支持/阻力/买入/卖出位，详情请往Patreon搜寻「cbbcwar」。
精彩评论