上星期五拣咗 $UB-HSI @EC2612A.C(25916)$ ，主要系借日线图 $HSI(HSI)$ 爬返上之前嘅线位(约2438-2440)而出动，但都讲明即系上破都只系追多少少，因为以日线图嘅Slow STC(14.3)见，其实已经接近两线企到上超买位。
本以为呢一注可以借得到日线图顶线变返支持线嚟hold耐啲，但去到下半场有见指数向下落，穿返日线条顶线，(25916)失去日线支持下亦都要先走。由于出/入位都系靠住嗰条线，所以呢一注还好只系输咗手续费啫。
最好笑嘅系，作战室喺上半场只hold一注好仓，及至下半场反手Hold一注淡仓，易玩到唔驶用脑咁真系多得恒指全日行咗个大圆顶出嚟，我都真系喺3点半打后画返定朝早条24100点嘅底线出嚟，还好最后都无踩返落去开市位，而且最后喺最后三粒烛出咗个「早晨之星」嘅组合+Slow STC(14.3)触底上。
今朝恒指开市微跌17点之后即转向上走，唯开市后10分钟，指数两度上到高位24396点后见平顶+上影线出现，依家9点42分见指数重新向下回落到24298点，如同之前一样，指数喺开市初段嘅幅度就系咁大，郁啲都一百几十点，就真系得呢啲时间先至可以用牛熊拉个高杠杆出嚟快手爬格仔，爬完就埋返你张写字台开工。
10点未到指数终于都企得到244楼上，系未到第一层熊245，但作战室都要准备收网，除咗系因为10点后要埋返位做嘢之外，更重要嘅系周线图见指数早两个礼拜低位出完「身怀六甲」之后，上个星期升完，今日截至依家9点53分嘅高位计，同上面条10周线(24498点)相差大约60点，244未见企得稳，咁更系先收啦！
仲有2分钟先至10点，先睇咗个小时图，见保历加口收窄中，而顶线个位喺24510点指数，同10周线好近㖞，换言之245呢个位要多加留意一下。
$UB#HSI RC28109.C(57405)$ ，收回价24000点，同现价有约420点距离，杠杆有约45.2倍，如果阿市要再杀街货嘅话，咁上行杀熊证系最近，亦者顺得到方向上，只不过系上到见24500附近时要小心啲咁解，所以如果今日见得到嘅话，呢只(57405)杠杆够高，Day Trade爬格仔应该都OK！
作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Books Store上架，可免费试阅。资讯只适用于合资格的香港投资者。本文章涉及瑞银以外第三方机构代表之意见，其所发表的言论和观点仅代表该第三方机构及/或其代表之个人立场，并不代表瑞银及与瑞银无关。资讯由瑞银集团提供，其仅作参考，并不构成买卖建议、邀请、要约或游说。瑞银为结构性产品的发行商，瑞银及其成员、其联属公司及董事及雇员可能持有本资料所述证券之权益（作为主事人或其他）。结构性产品并无抵押品。如发行人无力偿债或违约，投资者可能无法收回部份或全部应收款项。结构性产品价格可急升或急跌，投资者可能会蒙受全盘损失。过往表现并不反映将来表现。牛熊证备强制赎回机制而可能被提早终止，届时(i) N类牛熊证投资者将不获发任何金额；而(ii) R类牛熊证之剩余价值可能为零。投资前应了解及自行评估有关风险，并咨询专业顾问及查阅上市文件内有关结构性产品的全部详情。UBS Securities Hong Kong Limited为结构性产品之流通量提供者，亦可能是唯一报价者或巿场参与者。© UBS 2026。 版权所有。
精彩评论