㖊日拣咗只 $CT#HSI RC2809D.C(54152)$ 出嚟，有担心出文后再睇完啲技术指标都上到天花板，所以建议等五分钟图有10/20线接住先至出动。
以㖊日Patreon出文后如常用10分钟去睇文，之后再睇返个走势图嘅话，见旨指数都向下过10线位。等到大约11点后有见指数于20线觅到支持，同步Slow STC(14.3)两线亦于中轴水平转返向上，所以(54152)有位出场。
持货至下半场终于都见到指数向下穿中轴，都真系今日第一次见到，(54152)完成任务可以离场，多得今日恒指生性，呢注好仓鲸吞23格或38.02%。
久违了嘅「大阳烛」出现，不禁令人再三问多句：系咪调整完？系咪七翻身？唔驶七街瞓？技术上，日线图的确系破晒位，同时保历加通道亦开始转向打横行，有条件出返Swing Trade，Slow STC(14.3)保持往超买方向走之下，系有咁嘅条件嘅。
搭多个周线图，见低位出咗「身怀六甲」+Slow STC(14.3)触底上，10周线(依家见约24691点)mark做上方量度线亦唔过份。
依家9点56分，作战室有出过淡仓但系最后都系先打和走人，再等10点后确认方向先至出注。因为喺五分钟图上画到底线位有见支持之外，仲喺小时图上见到技术分析 VS 街货图，的确我系有嫌Slow STC(14.3)太过高，但如果10点后小时图150线仍然守好，叠加一条上紧嚟嘅10线给力嘅话，咁今日24400至24499点嘅过千张期指街货熊证危险啦。
10点后有见指数向上高冲往243楼上，但依家10点4分，暂时见指数都只系高冲一下，而小时图上见保历加通道整条仍然向上，如果指数保持贴住顶线往上走，硬迫Slow STC(14.3)出超买再超买嘅话，为嘅应该都只系嗰层重货熊。
既然系咁， $MS#HSI RC2812W.C(55865)$ ，收回价23616点，同现价有约540点距离，为市场上最贴价牛及最高杠杆(约39倍)之中最活跃，今日新上市所以未见有街货。
小时图嘅「上升通道」喺㖊日一过150线之后其实已经破咗位，试吓重新再画多条线，比一条新嘅「上升通道」出嚟睇吓。
作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Books Store上架，可免费试阅。
精彩评论