㖊日拣咗只 $CI#HSI RP2805C.P(69036)$ 出嚟，偏向出淡仓系因为指数一开就见低走，以平时做Swing Trade方法去做嘅话，呢一注持货大约半小时多少少已经平均有7格或11.2%正回报。
如果呢注货一注揸到收市前先走，见指数高开低走到升转跌，嘿，我谂你唔止话佢废，亦都唔好怪人点解弹高就熊。
今朝起身睇隔晚美股表现，其中纳指同标指又嚟创新高，至于港股都只系微升1点，作战室未有Plan定出乜，因为呢口开市价都唔知点Plan好，不过都有Mark住淡仓方向，除咗系靠小时图之外，更重要嘅系第二层牛证街货，即26200至26299点呢一层已经储咗上过千张期指街货，如果今日只系向下落百零点杀呢一层嘅话，之后已经可以躺平等4点。
九点搭九都未到，指数已经将首两层牛证街货全数收回，夹都已经有逾2000张期指街货，作战室注淡仓都开始出风筝策略(睇手上注货啦，人人唔同嘅)，向下型追落去嘅话，26000至26099点呢层重货区应该系最吸睛。
仲有8分钟就到10点，小时图上率先见指数向下落到100线，保历加通道口亦都被佢推返阔，有似比到条件Slow STC(14.3)出超卖再超卖，但拉返近少少用五分钟图则开始见指数今朝嘅低走咗半嗰钟都差不多要收工，作战室淡仓亦已经完成。
承指数目前摆位仍然靠近牛证街货层，变相向下再落嘅吸引力较大，所以 $DS#HSI RP2804F.P(57835)$ 。收回价26550点，同现价有约320点距离，杠杆有约50.4倍，今日新上市所以无街货，追指数向下再落杀重牛。
但依家唔系一个靓嘅追淡仓嘅位，进取嘅五分钟图10线/20线唔过，指数重新向下再落先至出动；要小心随时会出现嘅触底上；安全做法用返五分钟图嘅Slow STC(14.3)触顶向下先至出动啰。
作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。
精彩评论