【轮证赢家】高开低走淡仓再去就要过中轴

㖊日拣咗只 $UB#HSI RC2807O.C(54450)$ ，纯綷系因为写文时 $HSI(HSI)$ 仲系向下落紧，估计出文后指数同Slow STC(14.3)有机会已经触底上返去，所以即使做Swing都估计似系完成向下一趟，同时准备做向上嘅触底Swing，于是拣定只好仓啫。

入货位有两个，因为出文后有见五分钟图Slow STC(14.3)两线两次落到超卖位都有低线接住；而走货位亦都耐嘅，多得指数给力扑上26400点楼上，先令到呢一趟嘅Swing平均收到26.58%正数。

如果只(54450)留意今日嘅话，仲爽！不过都有战友玩期嘅喺㖊晚已经率先正数！事实上喺作战室于星期一都拣咗只牛证出嚟，叠住个周线图嚟过几日夜，今朝出咗开市价之后都已经叫定大家先行获利。都系嗰句：正数就好。

本来作战室都真系Plan住出好仓再追，但甫开市指数低见即走，喺先要处理啲过夜货嘅同时，真心未得闲搞DT注，到依家9点36分终于搞好晒啦，变阵淡仓出动，因为五分钟图嘅Slow STC(14.3)都已经向下，咁就齐齐追落啦。

10点未到以为自己迟出淡仓，呢注随时no meat eat，但hold hold吓见到都差唔多数到有80点正数，keep返平时做DT嘅步伐，即系见好即收。

10点后有见小时图啲技术指标同开市后睇嘅差唔多，要小时图条10线追到上嚟指数度嘅话，保守计都真系要等到下半场先至见到。

返去睇番个五分钟图，依家10点6分，指数保持向下过埋10线，时间关系亦有战友先收起今朝hold咗差唔多半个钟嘅淡仓去做嘢先，至于仲有货在手/选择再追多次嘅话，仍然都系以出淡仓为主， $CI#HSI RP2805C.P(69036)$ ，收回价27028点，摆上27000点安全啲，杠杆有约47.5倍都够做DT。

依家10点24分，五分钟图上都有见指数向下再往中轴线方向走，Slow STC(14.3)都落到去超卖以下水平，确认过中轴线先出淡仓嘅话，安全还安全但留意住Slow STC(14.3)两线走势啦。

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。