上个星期五见 $HSI(HSI)$ 喺开市后都系得100点上落位左右，所以做定两手准备，拣咗只 $BI#HSI RP28044.P(66206)$ 同 $CI#HSI RC28116.C(54348)$ ，如常的借返五分钟图嘅Slow STC(14,3)做Swing Trade。
好仓嗰注快嘅话喺持货大约1小时先执平均7.5%正数；如果Miss下半场开市后无耐见五分钟图Slow STC(14,3)上到超买位嘅话，喺之后嘅时段都仲有位可以走到嘅。
反过来见五分钟图Slow STC(14,3)上到超买位而出淡仓嘅，喺下半场亦都有点几同三点钟呢两个位可以出到。不过呢注淡仓出动之后，持货至完场都未见到五分钟图嘅Slow STC(14,3)两线落返去超卖位；尤其是喺3点见指数突然高冲出平顶先至去嘅淡仓注，时间上预咗过夜嘅话，咁出仓嘅时就应该准备定系小注落场。
依家9点10分，见到期货著紧红灯嘅，但都唔吸只 $TENCENT(00700)$ 著嗰盏红灯咁闪，有见跌16.2元，日线图上摆个位喺455蚊咁上下，还记得上个星期【本周焦点个股】拣咗只腾讯，策略以日线图拉出底线后有睇吓股价系低走还是高走于线，再决定出乜仓。最后系出淡仓，因为见佢低走于线，仲要即日食埋。只嘢今个星期三放榜，10天线爬得返上去先至再谂佢啦。
见到只腾讯咁，谂返起初初毕业出嚟做记者时，上一代嘅前辈概叹佢哋眼中嘅股王 $ESPRIT HOLD-NEW(00330)$ ，而喺我初出茅庐时嘅股王系 $CHINA MOBILE(00941)$ ，因为3G同iPhone面世，再到后来嘅腾讯，因为网络极速普及同开始娱乐化，再到依家AI新世代，晶片股大热但可惜香港就算有晶片股上市嘅，但都唔及 $NVIDIA(NVDA)$ 强。而Nvidia又可以坐住个王座几耐?十年八载一定有嘅...
恒指今朝低开82点，报26310点，呢下摆位将指数推返去靠近下方牛证街货层，会唔会向下再落?唔知，但肯定嘅系前文提过嘅恒指熊(66206)过夜嘅话，纯綷将注货完成埋Slow STC(14.3)触顶至底呢一趟Swing Trade，咁今朝开市后见指数同Slow STC(14.3)下行，可以清埋佢。
但吉仓过夜到依家9点51分，指数于五分钟图上出咗「平底三角形」物体，26260水平嘅底线亦都由开市后五分钟画到依家就嚟10点都仲画紧，未知指数摆喺边个位所以都未够出仓住。
10点后终于都见到五分钟图指数同10线相遇，而整条保历加通道则向下中，开始留意住条10线，企得到上去嘅话好仓出动，借埋Slow STC(14.3)触底上；但企唔到嘅，恒指熊(69174)，收回价26700点，杠杆有约43.1倍，Day Trade货，虽然呢个方向走系迫Slow STC(14.3)出超卖再超卖，随时11点打后保历加通道口开始收窄嘅话，Swing Trade出现嘅机率增加就变成系要出好仓，但如果用街货图同小时图嚟Trade嘅话，咁又唔同讲法啦。
今个星期都开始多业绩，星期三定四中美元首会面，Maybe观望多过乜，小注上留意下啦。
作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。
想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。
精彩评论