【轮证赢家】两手准备做Swing Trade

㖊日拣咗只 $CI#HSI RP2810J.P(65528)$ 出嚟，收回价27100点，一样都系借五分钟图嘅Slow STC(14.3)做一趟Swing Trade。

呢一注淡仓要等到下半场嘅2点几接近3点先开得出，持货至收市前，五分钟图嘅Slow STC(14.3)都未落到超卖位。如果唔过夜嘅话，呢注货最多都系打和；但见咁嘅钟数再加上有玩开Day Tradeo嘅都知道下半场向来都系慢行，仲要得返一个钟先嚟落场嘅话，呢注货有定心理准备过夜，顺便博埋五分钟图+小时图嘅Slow STC(14.3)继续向下到超卖位先至走人，咁就变成注过夜货。

还好至少有两个时轴图嘅Slow STC(14.3)可以追多次到超卖位，今朝 $HSI(HSI)$ 开市后见指数低开，先跌266点，五分钟图嘅Slow STC(14.3)已经推到入超卖位，系得返小时图嘅Slow STC(14.3)拉尽喺最顶个位嚟出触顶向下样。有货过夜嘅话呢一注开市后先收禾味。

至于吉仓嘅，坦白讲一开市就要博五分钟图嘅Slow STC(14.3)直出超卖再超卖都真系有一定难度，不过作战室今朝都仍然先以淡仓打头阵，系因为见小时图Slow STC(14.3)喺拉到尽嗰位嚟出触顶向下，真系好吸引；只不过安全起见，咬紧少少先用住五分钟图嘅150线或26300点呢个齐点数位嚟做住量度位先。

不过等到10点都仲未见到指数向下穿得过150线/26300点，作战室注淡仓都先数住位打个和走先。同步有见五分钟图保历加顶线向下，睇嚟指数同Slow STC(14.3)都准备触底上，问题系上到边一个位啫。

10点后见小时图，Slow STC(14.3)系有见向下，只不过今朝指数出咗「十字星」出嚟，好淡争持下得条Slow STC(14.3)向下落，咁出淡仓都意义不大。

10点3分再睇返个五分钟图，一早喺作战室预告定指数同Slow STC(14.3)会出触底嘅机会，所以有战友就偷呢小段路嚟出好仓，劲！

先唔理小时图零方向嘅「十字星」，如果要喺五分钟图内做Swing Trade嘅话，如常地先借同指数最近嘅10线&保历加底线嚟夹住指数向下落的话，五分钟图10线见阻力可以出只 $BI#HSI RP28044.P(66206)$ ，收回价26705点，同现价有约360点距离，杠杆有约49.7倍，附近收回价之中高杠杆、低街货、成交活跃。

万一指数同Slow STC(14.3)保持触底上过10线的话，咁反过来借10线做下方量度线之余，亦都可以放只 $CI#HSI RC28116.C(54348)$ 出去食草，(54348)收回价为25950点，同现价有约390点距离，杠杆有约64.2倍，为附近收回价中高杠杆、低街货、成交活跃。

两手准备做Swing Trade唯一要考虑嘅系条保历加通道有几阔...

作者阿珊，以技术分析玩轮证，唔贪心，努力赚取我家肥猫罐罐ฅ^•ﻌ•^ฅ。

想睇埋美日台股、金油汇币ETF嘅玩法，请往Patreon搜寻「cbbcwar」；新书《风暴中的小资理财圣经》已于Google Boook Store上架，可免费试阅。