今年应该有双位数回报，但跑输 $标普500(.SPX)$ 。坦白讲我有唔开心，我对自己要求高，唔钟意玩美股/币但同含指比较，自欺欺人🙃（含指每年输十鸠几%，做定期都跑赢 $恒生指数(HSI)$ 。就算每年赢含指10%，一样发唔撚到达）
对上一个似今年嘅债息倒挂升市系2019年，亦系我大输年份（见留言）。自问牛市同熊市都唔惊，最怕｢撚狗市｣，今年风险资产可定义为大型撚狗市入面嘅月线大反弹，呢种市况我本身唔擅长。我太信美股/crypto仲有月线右脚未出（此观点至今冇变），加上2019年（上一循环相似年份）输大钱经验，导致我今年过度保守，买升唔够放，错过美股6-7月升浪、哈佬畏低点及币市9月低点。结果今年虽然赢嘅钱多过旧年输、亦比2019年进步好多（起码冇再做错方向沽美股），但跑输标指。假如Q2冇过早止赚crypto/科技股，本应可跑赢[傲娇]
囤积现金等旺自己市况再谷，但今年跑输，唔知啱定错。我觉得2024年风险资产走势会似2016及2020年（新嘅周期牛市起点），呢两个年份我表现都唔错🧐2016年我仲系新手，当时未识选股、大盘系统处于雏形，我系英国脱欧、含指右脚两幻点all-in港股，果年系有赚；而2020系我投机表现最杰出年份（相信疫情牛市改变咗好多人命运），大胜追返2019年大输本金，亦系我投机系统真正确立嘅年份。2023年即将过去，希望2024年会有好表现！
精彩评论